ტეო ერნანდესი და მილანი ახალ კონტრაქტზე მუშაობენ

მილანს ტეო ერნანდესის შენარჩუნება სურს და ფეხბურთელის აგენტთან ახალ კონტრაქტზე მოლაპარაკებებს აწარმოებს.

გავრცელებული ინფორმაციის თანახმად, 26 წლის ფრანგი ხელფასის სახით 7 მილიონ ევროს ითხოვს — ამჟამად, მისი ანაზღაურება 5 მილიონია.

შეგახსენებთ, რომ ტეო ერნანდესი მილანში 2019 წელს გადავიდა და ჩატარებულ 220 შეხვედრაში 31 გოლი და 40 საგოლე გადაცემა გაიფორმა.