ტერზიჩი: "მცირე უპირატესობა და კარგი შანსი გვაქვს უემბლის საგზურის მოსაპოვებლად"

ჩემპიონთა ლიგის 1/2 ფინალური ეტაპის პირველ მატჩში დორტმუნდმა პსჟ მიიღო და მეტოქე 1-0 დაამარცხა. მატჩის შემდეგ, გერმანული კლუბის მთავარმა მწვრთნელმა, ედინ ტერზიჩმა კომენტარი გააკეთა.

"კარგი თამაში ვაჩვენეთ და დამსახურებულად გავიმარჯვეთ. უფრო მეტი გოლის გატანაც შეგვეძლო, თუმცა, მეტოქეც ახლოს იყო რამდენჯერმე გოლთან. მთელი მატჩის განმავლობაში ბოლომდე ვიხარჯებოდით და 1/2 ფინალში ეს ნორმალურია."

"ჩემპიონთა ლიგის ფინალში გასასვლელად მეორე მატჩში ფრეც გვაწყობს და ამისთვის ყველაფერი უნდა გავაკეთოთ. მცირე უპირატესობა და კარგი შანსი გვაქვს უემბლის საგზურის მოსაპოვებლად" - განაცხადა გერმანელმა სპეციალისტმა.