ტიაგო ალკანტარა, შესაძლოა, ბარსელონაში დაბრუნდეს

SER-ის ინფორმაციით, ბარსელონას მთავარ მწვრთნელს, ჰანსი ფლიკს სურს, ტიაგო ალკანტარა კატალონიური კლუბის სამწვრთნელო შტაბს შეუერთდეს და მასთან მოლაპარაკებებს მართავს.

ტიაგომ საფეხბურთო კარიერა ცოტა ხნის წინ დაასრულა და მომავალში მწვრთნელობის იდეა ხიბლავს. Sport-ი იტყობინება, რომ ალკანტარასა და ფლიკის საუბარმა პოზიტიურად ჩაიარა - მისი ბარსაში დაბრუნება საკმაოდ რეალურია.

კატალონიური გამოცემის ცნობით, "ბლაუგრანა" ტიაგოს საბოლოო პასუხს ელოდება. ამ უკანასკნელმა იცის, რომ ფლიკი მას მიესალმება და ამასთან, ახალი გამოწვევის მიღების პერსპექტივა მოსწონს. თავის მხრივ, ჰანსი ისეთ ასისტენტს ეძებს, რომელიც გერმანულად და ესპანურად საუბრობს - თანაც, ისინი ბაიერნში ერთად მუშაობდნენ და ერთმანეთს კარგად იცნობენ.

Jijantes-ის თანახმად, ფლიკი და ტიაგო დღეს ბარსელონაში ერთმანეთს შეხვდნენ, რათა ახალი პროექტი განეხილათ. გერმანელს ალკანტარას საფეხბურთო ცოდნა და ის ფაქტი, რომ ესპანელი ორივე ენაზე საუბრობს, ძალიან მოსწონს.

ალკანტარასთან კონტრაქტის გაფორმებამდე ბარსელონამ გარკვეული არასპორტული საკითხები უნდა მოაგვაროს, მაგრამ ეს დიდ დროს არ წაიღებს.

ტიაგომ საფეხბურთო კარიერა სწორედ ბარსაში დაიწყო. ის კატალონიური კლუბის პირველ გუნდში 2009-2013 წლებში ასპარეზობდა.