ტიაგო ალკანტარამ საფეხბურთო კარიერა დაასრულა | ფაბრიციო რომანო

ფაბრიციო რომანოს ინფორმაციით, ტიაგო ალკანტარამ საფეხბურთო კარიერის დასრულება გადაწყვიტა.

33 წლის ესპანელმა ნახევარმცველმა კარიერა ბარსელონაში (2009-2013) დაიწყო, შემდეგ ბაიერნში (2013-2020) გადავიდა, მისი ბოლო კლუბი კი ლივერპული აღმოჩნდა, რომელშიც ბოლო 4 წლის განმავლობაში ასპარეზობდა. ტიაგო ესპანეთის ნაკრებში 2011-2021 წლებში თამაშობდა.

რომანოს ცნობით, ალკანტარა მზადაა, ფეხბურთში ახალი ეტაპი დაიწყოს, რისთვისაც თვეების განმავლობაში ემზადებოდა.