ტიაგო მოტას წარმატებული სტარტი — იუვენტუსმა კომო დაამარცხა

იტალიის სერია ა-ს 2024/25 წლების სეზონის პირველ ტურში, იუვენტუსმა საკუთარ მოედანზე კომოს უმასპინძლა და მეტოქეს 3 უპასუხო გოლი გაუტანა.

შეხვედრის ანგარიში პირველი ტაიმის შუაში, 23-ე წუთზე მბანგულამ გახსნა, ხოლო 46-ე წუთზე ვეამ გამოიჩინა თავი და ტურინელებმა პირველი ნახევარი ორბურთიანი სხვაობით მოიგეს.

მეორე ტაიმში ტიაგოს მოტას გუნდი მოედანს და ტემპს სრულად აკონტროლებდა — მსაჯის მიერ დამატებულ პირველ წუთზე კომოს კარი კამბიასომაც აიღო და საბოლოო ანგარიში, 3-0 დააფიქსირა.