ავტორიზაცია
ტიაგო მოტას ტურინული ისტორია დასასრულს უახლოვდება — ბოლო ინფორმაცია იტალიიდან
ტიაგო მოტას და იუვენტუსის ისტორია დასასრულს უახლოვდება — "ბიანკონერიში" 42 წლის სპეციალისტის გაშვება გადაწყვიტეს, თუმცა ახლა გასარკვევია ეს როდის მოხდება. სანაკრებო პაუზამდე იყო მოსაზრება, რომ ტიაგო მოტას კიდევ ერთ შანსს მისცემდნენ, თუმცა ახლა თითქმის ყველა გავლენიანი იტალიური გამოცემა მოტას უახლოეს დღეებში გაშვებაზე ალაპარაკდა.
გუნდის სპორტული დირექტორი კრისტიანო ჯუნტოლი ახალ მთავარ მწვრთნელს უკვე ეძებს და ორი მთავარი კანდიდატი გამოიკვეთა.
რობერტო მანჩინი და იგორ ტუდორი — ტურინული გრანდი ორივე მათგანს უკვე დაუკავშირდა, ამ ინფორმაციას ყველა იტალიური გამოცემა ადასტურებს. იუვენტუსი როგორც ხორვატ სპეციალისტს, ისე იტალიელსაც კონტრაქტს სეზონის ბოლომდე სთავაზობს, რა თქმა უნდა შემდგომში გახანგრძლივების პერსპექტივით.
როგორც ჩენთვის არის ცნობილი, ორივე მათგანი მზადაა ტურინული გუნდის ჩასაბარებლად, თუმცა ყველაფერი მაინც ტიაგო მოტაზეა დამოკიდებული. იტალიელი სპეციალისტი გუნდთან ერთად ვარჯიშებს აგრძელებს, თუმცა ნებისმიერ მომენტში შეიძლება მას განუცხადონ, რომ მისი ტურინული ისტორია დასრულდა.
უახლოეს დღეებში, მეტიც, საათებში შეიძლება ყველაფერი გაირკვეს — რობერტო მანჩინი და იგორ ტუდორი მოლოდინის რეჟიმში არიან. იუვენტუსში დიდი ცვლილებები იგეგმება.
