ტიბო კურტუა ტრავმირებულია

გუშინ, ლა ლიგის მე-8 ტურში, ატლეტიკოსა და რეალ მადრიდს შორის გამართული მატჩი ფრედ, 1-1 დასრულდა.

მადრიდული დერბის შემდეგ, "ლოს ბლანკოსის" მთავარმა მწვრთნელმა, კარლო ანჩელოტიმ განაცხადა, რომ ტიბო კურტუამ ტრავმა მიიღო.

ფაბრიციო რომანოს ინფორმაციით, ბელგიელ მეკარეს კუნთის პრობლემა აქვს და ის სამედიცინო შემოწმებას დღეს გაივლის.

თუ კურტუა ამ კვირაში მზად არ იქნება, ჩემპიონთა ლიგაზე, ლილის წინააღმდეგ სასტარტო შემადგენლობაში ანდრეი ლუნინი იქნება.