ტიბო კურტუამ ბელგიის ნაკრების რიგებში საიუბილეო შეხვედრა გამართა

ტიბო კურტუამ ხორვატიის ნაკრების წინააღმდეგ ბელგიის მაისურით მე-100 მატჩი ჩაატარა.

30 წლის გოლკიპერმა მუნდიალის ჯგუფური ეტაპის მე-3 ტურში კარი მშრალად შეინახა (0:0), თუმცა მისი გუნდი მე-3 ადგილზე გავიდა და ჯგუფში ჩარჩა.

შედეგად, საიუბილეო შეხვედრა ბელგიელი მეკარისთვის მთლად წარმატებული ვერ გამოვიდა.

ჯამში, ბელგიის ნაკრების მაისურით ჩატარებული 100 შეხვედრიდან კურტუამ 72 მოიგო, 13-ჯერ ფრე ითამაშა და 14-ჯერ დამარცხდა.

100-დან 50 შეხვედრაში კურტუამ კარის მშრალად შენახვაც მოახერხა.