ტომ ჰიტონი ინგლისის ნაკრებში გამოიძახეს

მანჩესტერ იუნაიტედმა დაადასტურა, რომ ტომ ჰიტონი მოახლოებული ევროპის ჩემპიონატისთვის ინგლისის ნაკრების განაცხადში მოხვდა.

აღსანიშნავია, რომ 38 წლის ინგლისელი სათამაშო შემადგენლობის წევრი არ იქნება - ის ნაკრებს მეკარეების დამხმარედ უერთდება. ჰიტონი განაცხადში მყოფ 3 გოლკიპერს - ჯორდან პიკფორდს, აარონ რამსდეილსა და დინ ჰენდერსონს დაეხმარება.

დიდებული შემადგენლობა გვყავს. აღფრთოვანებული ვარ და ჯგუფთან შეხვედრას მოუთმენლად ველი," - ციტირებს ტომის სიტყვებს იუნაიტედის ოფიციალური ვებსაიტი.

ჰიტონი, რომელმაც საფეხბურთო კარიერა "ოლდ ტრაფორდზე" დაიწყო, "წითელ ეშმაკებში" 2021 წელს დაბრუნდა და 3 წლის განმავლობაში მხოლოდ 3 მატჩი ჩაატარა. ინგლისელს მანჩესტერთან კონტრაქტი ამ თვეში ეწურება, მაგრამ კლუბმა დაადასტურა, რომ მასთან ახალ ხელშეკრულებაზე მოპლაპარაკებები გრძელდება.