ავტორიზაცია
ტომას ტუხელი ინგლისის ნაკრების ჩაბარებასთან ახლოსაა
Sky Sports-ის ინფორმაციით, ინგლისის ნაკრების ჩაბარების მთავარი კანდიდატი ტომას ტუხელია.
გერმანელმა სპეციალისტმა ბაიერნი გასულ ზაფხულში დატოვა და მას შემდეგ უმუშევარია. თავის მხრივ, ინგლისის ფეხბურთის ფედერაციამ ლი კარსლის შეატყობინა, რომ მას გუნდის თავკაცად არ დატოვებენ.
"სამი ლომის" საოცნებო კანდიდატი პეპ გვარდიოლაა, მაგრამ ნაკლებად სავარაუდოა, კატალონიელმა სპეციალისტმა მანჩესტერ სიტი დატოვოს. გავრცელებული ცნობით, ის "ქალაქელებთან" კონტრაქტის გახანგრძლივებას განიხილავს.
შესაბამისად, ინგლისელები ტუხელს დაუკავშირდნენ და მხარეებს შორის, შესაძლო თანამშრომლობაზე, მოლაპარაკებები მიმდინარეობს.
როგორც ფაბრიციო რომანო იტყობინება, ტომასმა აღნიშნულ სამსახურზე თანხმობა ჯერ კიდევ ივლისში განაცხადა.
