ტონი კროოსი: კარიერის დასრულების შემდეგ საკუთარ აკადემიაში ვიმუშავებ
![ტონი კროოსი: კარიერის დასრულების შემდეგ საკუთარ აკადემიაში ვიმუშავებ](http://storage.goal.ge/uploads/posts/ukSfFXeYrj9BJNaGgQEPyc1igdd87MkB.jpg)
მადრიდის "რეალის" ლეგენდა, ტონი კროოსი ევროპის ჩემპიონატის დასრულების შემდეგ საფეხბურთო კარიერას დაასრულებს. მან საკლუბო ფეხბურთში ბოლო მატჩი უკვე ჩაატარა და ჩემპიონთა ლიგა მოიგო.
გერმანელმა განაცხადა, რომ ბუცების ლურსმანზე დაკიდების შემდეგაც, ფეხბურთს არ ჩამოშორდება:
"მეტწილად, დროს ოჯახთან ერთად გავატარებ. ჩემს ძმასთან, ფელიქსთან ერთად პოდკასტს გავაგრძელებ და ასევე, მადრიდში საკუთარ ახალგაზრდულ აკადემიაში ვიმუშავებ.
სექტემბრიდან Icon League (ფუტსალის ახალი ლიგა) დაიწყება, რომელიც ელიას ნერლიხთან ერთად დავაარსე. მაგრამ აშკარაა, რომ 18 პროექტში არ ჩავერთვები და ისეთი დაკავებული აღარ ვიქნები, როგორც ფეხბურთელობისას."
34 წლის ნახევარმცველმა "სანტიაგო ბერნაბეუზე" 10 წელი გაატარა და 5 ჩემპიონთა ლიგა, 4 ლა ლიგა, ესპანეთის სუპერთასი და კიდევ არაერთი ტიტული მოიგო.