ტორეირას უახლოეს პერიოდში ბოკა ხუნიორსში გადასვლა უნდა

"არსენალის" საკუთრებაში მყოფი ნახევარმცველი, ლუკას ტორეირა, რომელიც ამჟამად იჯარით "ატლეტიკოში" ირიცხება, "ბოკა ხუნიორსში" გადასვლას აპირებს.

"ბოკა ხუნიორსში" გადასვლა მინდა. 25 წლის ვარ და მინდა გულშემატკივრები გავახარო. ვიცი, ეს ადვილი არ იქნება. "ბოკასა" და "არსენალს" არენდაზე შეთანხმება მოუწევთ", - ციტირებს ტორეირას სიტყვებს PerfilBulos.

ცნობისთვის, ურუგვაელი ფეხბურთელი "როხიბლანკოში" იჯარით 2020 წლის ოქტომბერში გადავიდა.

მადრიდული კლუბის რიგებში ტორეირამ 23 მატჩი ჩაატარა, ერთი გოლი გაიტანა და ერთი შედეგიანი გადაცემა გააკეთა.