ტორინოს მთავარი მწვრთნელი: "ვიმედოვნებთ, რომ საზონოვის ინტეგრაცია შემადგენლობაში კარგად მოხდება"

სერია A-ს მე-6 ტურის მატჩი "ლაციოსა" და "ტორინოს" შორის, მასპინძელთა გამარჯვებით 2:0 დასრულდა.

აღნიშნულ შეხვედრაში ახალგაზრდა ქართველი მცველის, საბა საზონოვის დებიუტი შედგა, რომელიც თამაშში 27-ე წუთზე ჩაერთო.

ხორვატმა სპეციალისტმა ივან იურიჩმა მატჩის შემდეგ პრესკონფერენციაზე საბა საზონოვზეც გააკეთა კომენტარი:

"ვიმედოვნებთ, რომ საზონოვის ინტეგრაცია შემადგენლობაში კარგად მოხდება, წინააღმდეგ შემთხვევაში, დაცვაში სერიოზული პრობლემები გვექნება, რადგან მასთან ერთად მწყობრში მხოლოდ 3 ცენტრალური მცველი გვყავს. მან ჯერ კიდევ ბევრი რამ უნდა ისწავლოს", - თქვა იურიჩმა.