ავტორიზაცია
ტორინოს მწვრთნელი საზონოვზე: "სწავლის დიდი სურვილი აქვს, მაგრამ"
სერია A-ს მე-9 ტურში ტორინო შინ ინტერთან 0:3 დამარცხდა.
საბა საზონოვი შეხვედრას სათადარიგოთა სკამიდან იწყებდა და მოედანზე 51-ე წუთზე გამოვიდა. ქართველმა ტრავმირებული პეერ სხუურსი შეცვალა.
მატჩის შემდეგ "ტორინოს" მწვრთნელმა ივან იურიჩმა მატჩი შეაფასა და საზონოვის შესახებ ისაუბრა.
"სხუურსის მდგომარეობას ხვალ დავაზუსტებთ, მაგრამ კარგი მოლოდინი არ არის. იმედია, სასწაული მოხდება. მისი გასვლის შემდეგ გუნდმა ბალანსი დაკარგა, მისი შეცვლა ურთულესი იქნება.
ზიმა არ არის ოპტიმალურ მდგომარეობაში, ბონჯორნო და ჯიჯი ისედაც გვაკლია, საზონოვი ახალგაზრდაა და საინტერესო ფეხბურთელია, რომელსაც სწავლის დიდი სურვილი აქვს, მაგრამ ჩვენს კონცეფციებთან უნდა ადაპტირდეს და გაიზარდოს, რაც დღესაც დავინახეთ. ქართველს თამაშში ჩართვა გაუჭირდა", - თქვა იურიჩმა.
