ავტორიზაცია
ტოტენჰემი V მანჩესტერ იუნაიტედი - ინგლისური ფინალი ევროპა ლიგაზე
დღეს, ევროპა ლიგის 2024/25 წლების სეზონის გამარჯვებული გამოვლინდება - ფინალში ერთმანეთს ტოტენჰემი და მანჩესტერ იუნაიტედი დაუპირისპირდებიან.
ფინალამდე განვლილ გზაზე ლონდონელებმა ალკმაარი, ფრანკფურტი და ბოდო/გლიმტი დაამარცხეს, ხოლო მანჩესტერელებმა სოსიედადს, ლიონს და ბილბაოს აჯობეს.
გუნდების ბოლო 5 ურთიერთდაპირისპირებაში უპირატესობა ტოტენჰემის მხარეს არის - 4 მოგება და 1 ფრე. ბოლოს მანჩესტერმა მეტოქე 2022 წელს პრემიერ ლიგის მატჩში დაამარცხა.
ინგლისის პრემიერ ლიგის მიმდინარე სეზონში ორივე გუნდს სერიოზული პრობლემები აქვთ და ევროტურნირებზე მოხვედრის ერთადერთი გზა დღევანდელი ფინალის მოგებაა. მანჩესტერ იუნაიტედი პრემიერ ლიგაში 39 ქულით მე-16, ხოლო ტოტენჰემი 38 ქულით მე-17 ადგილს იკავებს.
ევროპა ლიგის 2024/25 წლების ფინალური დაპირისპირება დღეს, თბილისის დროით 23 საათზე დაიწყება.
