ტრანსფერი გადაწყდა - ჟოაუ პალინია ბაიერნში გადადის

ფაბრიციო რომანოს ინფორმაციით, ჟოაუ პალინიას მიუნხენის ბაიერნში ტრანსფერი გადაწყდა.

გერმანული კლუბი ფულემს პორტუგალიელი ფეხბურთელის სანაცვლოდ €50 მილიონს (პლუს €5 მილიონი ბონუსების სახით) გადაუხდის.

პალინია სამედიცინო შემოწმებას გაივლის, შემდეგ კი "რეკორდმაისტერთან" 4-წლიან კონტრაქტს გააფორმებს.

ბაიერნი ჟოაუს ტრანსფერზე რამდენიმე კვირის განმავლობაში მუშაობდა და საბოლოოდ, კლუბებს შორის შეთანხმება შედგა. თავის მხრივ, პალინიამ ფულემს მისი გაშვება სთხოვა.