ტრანსფერი შედგა — გიორგი აბუაშვილი ლიგა 1-ში ითამაშებს

ფრანგულმა კლუბმა ქართველი ფეხბურთელის ტრანსფერი სულ რამდენიმე წუთის წინ დაადასტურა. მეცსა და ფოთის კოლხეთს შორის 1-წლიანი საიჯარო ხელშეკრულება გაფორმდა გამოსყიდვის უფლებით.

ახალგაზრდა ფეხბურთელის მიმართ ინტერესს სენტ-ეტიენი და გენგამიც იჩენდნენ, თუმცა ყველას ლიგა 1-ში დაბრუნებულმა მეცმა აჯობა. შეგახსენებთ, ფრანგულმა კლუბმა რამდენიმე დღის წინ გიორგი წიტაიშვილიც დაიმატა.

გიორგი აბუაშვილი ფოთის კოლხეთში 2024 წლიდან მოყოლებული თამაშობს. ახალგაზრდა ფეხბურთელმა ამ დროში 55 მატჩი ჩაატარა, 21 გოლი გაიტანა და 5 საგოლე გადაცემით გამოიჩინა თავი.