ტრანსფერი თითქმის დაიხურა — ნაპოლი ხვიჩა კვარაცხელიას შემცვლელს იმატებს

ფაბრიციო რომანოს ინფორმაციით, ნაპოლი და ალ აჰლი ალან სენ-მაქსიმენის ტრანსფერის თაობაზე დოკუმენტებს ცვლიან.

ნეაპოლელებსა და არაბულ კლუბს შორის ყველაფერი შეთანხმებულია, ახლა კი მთავარია, ამ გარიგებაზე თანხმობა ფენერბაჰჩემ განაცხადოს, სადაც ფრანგი ფეხბურთელი იჯარით თამაშობს.

სენ-მაქსიმენი "პარტენოპეიშიც" იჯარით გადავა, რისთვისაც ნაპოლი €3/4 მილიონს გადაიხდის. აურელიო დე ლაურენტისის კლუბს მისი გამოსყიდვის ოფცია არ ექნება.

აღსანიშნავია, რომ ნაპოლი 25 წლის განელი ვინგერის, ფრენსის ამუზუს თაობაზე ანდერლეხტსაც დაუკავშირდა.