ავტორიზაცია
"წინააღმდეგ შემთხვევაში დამშვიდობება სწორი ნაბიჯი იქნება" - ლაუტარო ჩალჰანოღლუზე საუბრობს
მსოფლიოს საკლუბო ჩემპიონატზე, ფლუმინენსესთან განცდილი მძიმე მარცხის შემდეგ, ინტერის კაპიტანმა და კლუბის პრეზიდენტმა მედიასთან საკმაოდ საინტერესო კომენტარები გააკეთეს.
"სახელებს არ დავასახელებ. ინტერის ღირსებას იმისთვის ვიცავთ, რომ ყველაფერი გავაკეთოთ ამ კლუბის მაისურისთვის, მაგრამ ბევრი რამ ვნახე, რაც არ მომეწონა. მე კაპიტანი ვარ, ჯგუფის ლიდერი, ამიტომ უნდა ვისაუბრო.
გზავნილი ნათელია - მათ, ვისაც სურს დარჩენა და მნიშვნელოვანი ტიტულებისთვის ბრძოლის გაგრძელება, შეუძლიათ ამის გაკეთება, წინააღმდეგ შემთხვევაში, დამშვიდობება სწორი ნაბიჯი იქნება," - ლაუტარო მარტინესი.
გზავნილი ნათელია - მათ, ვისაც სურს დარჩენა და მნიშვნელოვანი ტიტულებისთვის ბრძოლის გაგრძელება, შეუძლიათ ამის გაკეთება, წინააღმდეგ შემთხვევაში, დამშვიდობება სწორი ნაბიჯი იქნება," - ლაუტარო მარტინესი.
"ნერაძურის" კაპიტნის განცხადებას გამოეხმაურა ბეპე მაროტა.
"კაპიტანმა ამ სიტყვებით ხაზი გაუსვა რამდენიმე მარადიულ ჭეშმარიტებას, კერძოდ, როდესაც მოთამაშეს აღარ სურს გუნდში ყოფნა, სწორია, რომ წავიდეს. დღეის მდგომარეობით, არავის პირდაპირ არ უთქვამს ჩვენთვის, რომ წასვლა სურდა.
ვფიქრობ, ლაუტარო ჩალჰანოღლუს გულისხმობდა, ვისთანაც მალე საუბარი გვექნება და სიტუაციას ყველასთვის საუკეთესო გზით მოვაგვარებთ. სატრანსფერო ფანჯარა ოფიციალურად ხვალ გაიხსნება და აუცილებლად იქნება გარკვეული მყარი პოზიციები ორივე მხრიდან.
ჯერჯერობით მან ჩვენთვის არაფერი უთქვამს, მაგრამ ჩვენ მზად ვართ მოვუსმინოთ როგორც მას, ისე სხვებს. ამ ეტაპზე არავის უთქვამს ჩვენთვის, რომ წასვლა სურს, შესაბამისად, არ უნდა დავადანაშაულოთ ჩალჰანოღლუ. ჩვენ ჯერ არ გვისაუბრია მასთან, უახლოეს რამდენიმე კვირაში ამას გავაკეთებთ. თუ გადავწყვეტთ სხვა გზით წასვლას, ამას გავაკეთებთ, მაგრამ საქმე ჯერ აქამდე არ მისულა," - განაცხადა კლუბის პრეზიდენტმა.
"კაპიტანმა ამ სიტყვებით ხაზი გაუსვა რამდენიმე მარადიულ ჭეშმარიტებას, კერძოდ, როდესაც მოთამაშეს აღარ სურს გუნდში ყოფნა, სწორია, რომ წავიდეს. დღეის მდგომარეობით, არავის პირდაპირ არ უთქვამს ჩვენთვის, რომ წასვლა სურდა.
ვფიქრობ, ლაუტარო ჩალჰანოღლუს გულისხმობდა, ვისთანაც მალე საუბარი გვექნება და სიტუაციას ყველასთვის საუკეთესო გზით მოვაგვარებთ. სატრანსფერო ფანჯარა ოფიციალურად ხვალ გაიხსნება და აუცილებლად იქნება გარკვეული მყარი პოზიციები ორივე მხრიდან.
ჯერჯერობით მან ჩვენთვის არაფერი უთქვამს, მაგრამ ჩვენ მზად ვართ მოვუსმინოთ როგორც მას, ისე სხვებს. ამ ეტაპზე არავის უთქვამს ჩვენთვის, რომ წასვლა სურს, შესაბამისად, არ უნდა დავადანაშაულოთ ჩალჰანოღლუ. ჩვენ ჯერ არ გვისაუბრია მასთან, უახლოეს რამდენიმე კვირაში ამას გავაკეთებთ. თუ გადავწყვეტთ სხვა გზით წასვლას, ამას გავაკეთებთ, მაგრამ საქმე ჯერ აქამდე არ მისულა," - განაცხადა კლუბის პრეზიდენტმა.
შეგახსენებთ, რომ ჰაკან ჩალჰანოღლუს ტრანსფერზე გალათასარაი მუშაობს. თურქული გრანდი ყველაფერს აკეთებს ამ გარიგების განსახორციელებლად. უახლოეს პერიოდში ამ პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი.
