ცუდი ამბავი კვარაცხელიას ტრავმაზე - ქართველი გარემარბი იტალიის ჩემპიონატის სტარტს გამოტოვებს?

წყაროს ცნობით, ქართველ გარემარბს შესაძლოა ლიგატები დაზიანებული ჰქონდეს. თუ დიაგნოზი დადასტურდა, მაშინ კვარაცხელიამ შესაძლოა იტალიის ჩემპიონატის სტარტი გამოტოვოს.

ნეაპოლიტანური გუნდი ახალ სეზონში პირველ მატჩს "ფროსინონესთან" გამართავს. შეხვედრა 19 აგვისტოს გაიმართება.

22 წლის ქართველმა გასულ სეზონში სერია A-ში 34 მატჩი ჩაატარა, 12 გოლი გაიტანა და 10 საგოლე გადაცემა გააკეთა.