ავტორიზაცია
წყალტუბო 2023 წელსაც სიურპრიზებს გვპირდება - გუნდმა პირველი ტრანსფერი განახორციელა
წყალტუბოს "სამგურალი" ეროვნული ლიგის გასული სეზონის აღმოჩენაა. ცოტა თუ იფიქრებდა, რომ იმერლები სეზონს ცხრილის მოწინავე პოზიციებზე დაასრულებდნენ.
"სამგურალმა" ბოლო ტურში "დილასთან" წააგო, მე-4 ადგილი დაიკავა და ევროტურნირების საგზური დასანანად დაკარგა.
სამაგიეროდ, გიორგი მიქაძის გუნდი ამით არ დანებებულა და რამდენიმე ფეხბურთელს ახალი, 2-წლიანი კონტრაქტები უკვე გაუფორმა, რათა ახალ სეზონში უფრო დიდ მიზანს მიაღწიონ.
GOAL.GE-ს ინფორმაციით, "სამგურალმა" პირველი ტრანსფერიც განახორციელა და ეროვნული ლიგის ერთ-ერთი ყველაზე გამოცდილი მცველი ლევან კაკუბავა დაიმატა.
32 წლის კაკუბავამ ბოლო 4 სეზონი "საბურთალოში" გაატარა და გუნდის ერთ-ერთი ლიდერი იყო.
ავტორი: ბაჩო ცალუღელაშვილი
