"თუ ის არა, მაშინ ვინ არის სრულყოფილი?" — ნაპოლის ფეხბურთელი კვარაზე

ნაპოლის 25 წლის ფეხბურთელი კილირლ ნგონგე, რომელიც იტალიურ გუნდში ხვიჩა კვარაცხელიასთან ერთად თამაშობდა, კვარას პარიზში ესტუმრა და L'equipe-ს შთაბეჭდილებები გაუზიარა.

"ხვიჩა და მე ექსტროვერტები არ ვართ. როცა ნაპოლიში მივედი, რთულ პერიოდს გავდიოდით და ცოტა სტრესიც იყო, მაგრამ ჩვენ მაშინვე დავმეგობრდით და მას შემდეგ ურთიერთობა არ გაგვიწყვეტია.

ის ყოველდღე მელაპარაკება საქართველოზე და მეუბნება, რომ ეს მსოფლიოში საუკეთესო ქვეყანაა — მომავალ ზაფხულს ერთი კვირით იქ მივდივარ.

ხვიჩა ჯერ ახლა გახდა 25 წლის და მისგან მომავალში ბევრ რამეს ვნახავთ. მას ისევე შეიყვარებთ, როგორც მე მიყვარს.

კვარას გიჟური დარტყმა აქვს. სასარგებლოა სტანდარტულებზე და მოკლედ რომ ვთქვათ, ყველაფრის გაკეთება შეუძლია.ის სწრაფია, დაცვაში კარგად მუშაობს, აქვს დარტყმის, დრიბლინგის უნარი - თუ ის არ არის სრულყოფილი, ვინ არის სრულყოფილი?

ის ყოველდღიურად ძალიან ბევრს შრომობს და აქვს თავდაჯერებულობა. კვარა არის ფეხბურთელი, რომლის თამაშის ყურებით უნდა ისიამოვნოთ. ჯერ მისი თამაშის 50% გაქვთ ნანახი," - ამბობს ნგონგე.