ავტორიზაცია
ტუხელი: "მსაჯები მსგავს შეცდომას რეალის წინააღმდეგ არ დაუშვებდნენ"
ჩემპიონთა ლიგის 1/2 ფინალური ეტაპის დასრულების შემდეგ, სადაც რეალმა ბაიერნი 2-1 დაამარცხა, მიუნხენური კლუბის მთავარმა მწვრთნელმა, ტომას ტუხელმა მსაჯები გააკრიტიკა.
"1/2 ფინალი არ არის ორი დიდი შეცდომის დაშვების და შემდეგ ბოდიშის მოხდის ადგილი. მიუხედავად იმისა, რომ როგორც სპორტსმენები ბოდიშს მივიღებთ, ის მაინც ვერაფერს შეცვლის - მსგავს შეცდომას რეალის წინააღმდეგ არ დაუშვებდნენ" - განაცხადა გერმანელმა სპეციალისტმა.
ტომას ტუხელის გაღიზიანება მატჩის მიწურულს მომხდარმა საკამათო ეპიზოდმა გამოიწვია, როდესაც დე ლიხტის გოლი არ ჩაითვალა. დარტყმამდე რამდენიმე წამით ადრე, ლაინსმენმა თამაშგარე მდგომარეობა დააფიქსირა და მთავარ მსაჯს შეხვედრის გაჩერება მოუწია.
