უარი იუნაიტედს, იუვეს, პსჟ-სა და ბაიერნს | რას ელოდება ზიდანი?

Marca-ს ინფორმაციით, ზინედინ ზიდანი მზადაა, სამწვრთნელო საქმიანობას დაუბრუნდეს და რეალ მადრიდის ან საფრანგეთის ნაკრების გაწვრთნა სურს.

ფრანგმა ლეგენდამ მანჩესტერ იუნაიტედი, იუვენტუსი, პარი სენ-ჟერმენი, ბაიერნი და რამდენიმე ქვეყნის ნაკრები უარით გაისტუმრა, რადგან რეალ მადრიდისა და საფრანგეთის ნაკრების გარდა არაფერი აინტერესებს.

წყაროს ცნობით, კარლო ანჩელოტის მომავალთან დაკავშირებით გავრცელებული სპეკულაციების მიუხედავად, ზიზუ აცნობიერებს, რომ ამჟამად მადრიდულ კლუბში მწვრთნელის პოზიცია დაკავებულია. მსგავსი სიტუაციაა საფრანგეთის ნაკრებშიც - დიდიე დეშამს "მამლებთან" კონტრაქტი 2026 წლამდე აკავშირებს.

ამ მომენტისთვის, ზინედინი სიმშივდეს ინარჩუნებს და სწორ დროს ელოდება.

ზიდანი რეალ მადრიდს 2016-2018 და 2019-2021 წლებში წვრთნიდა.