უარით გასტუმრებული კლუბები — რა გეგმები აქვს რაბიოს?

2024 წლის 30 ივნისს, ადრიენ რაბიომ იუვენტუსი თავისუფალი აგენტის სტატუსით დატოვა და მოულოდნელად, დღემდე უგუნდოდ არის დარჩენილი.

29 წლის ფრანგ ნახევარმცველს რამდენიმე შემოთავაზება ჰქონდა, თუმცა, ყველა დაბლოკა და ჯერ კიდევ ახალი კლუბის ძიებაშია. ბოლოს, ფეხბურთელმა უარით თურქული და არაბული კლუბები გაისტუმრა, რადგან მას მხოლოდ ევროპის ტოპ 5 ლიგაში სურს კარიერის გაგრძელება.

ადრიენ რაბიოს დამატება რამდენიმე დღის წინ მილანმაც სცადა და მას ხელფასის სახით სეზონში 6 მილიონი ევრო შესთავაზა, თუმცა, უარი მიიღო — ამ ეტაპზე, ფეხბურთელისთვის პრიორიტეტი უფრო მაღალი ხელფასი და ინგლისის პრემიერ ლიგაა.