უდიდესი სენსაცია ნორვეგიაში — მანჩესტერ სიტი ბოდო/გლიმტთან დამარცხდა

შეხვედრის ანგარიში მასპინძლებმა გახსნეს — 22-ე წუთზე თავი ჰოგმა გამოიჩინა, რომელმაც ზუსტად 2 წუთში დუბლი გაიფორმა. 58-ე წუთზე ჰაუგემ შორეული დარტყმით აიღო მანჩესტერ სიტის კარი და სხვაობა სამამდე გაზარდა. მე-60 წუთზე შერკიმ პრესტიჟის გოლი გაიტანა და საბოლოო ანგარიში, 3-1 დააფიქსირა.

გოლები: 1-0, 2-0 ჰოგი (22', 24'), 3-0 ჰაუგე (58'), 3-1 შერკი (60')

აღნიშნული მატჩის შემდეგ, მანჩესტერ სიტის 13 ქულა აქვს და მე-6 ადგილზე იმყოფება, ხოლო ბოდო/გლიმტი 6 ქულით 26-ე პოზიციას იკავებს. ბოლო ტურში პეპ გვარდიოლას გუნდი საკუთარ კედლებში გალათასარაის მიიღებს.