უეფას სუპერ თასი — პსჟ ტოტენჰემს დაუპირისპირდება

გასული სეზონის ჩემპიონთა ლიგის ფინალში პარიზულმა გრანდმა ინტერი 5-0 გაანადგურა და ისტორიაში პირველად მოიგო აღნიშნული ტიტული. ტოტენჰემმა კი მანჩესტერ იუნაიტედს მინიმალური ანგარიშით, 1-0 მოუგო და მესამედ დაეუფლა ევროპა ლიგის თასს.

გუნდები ერთმანეთს ისტორიაში მხოლოდ ერთხელ, 2017 წლის პრესეზონზე, საერთაშორისო ჩემპიონთა თასზე შეხვდნენ, სადაც ინგლისელებმა 4-2 იმარჯვეს. აღსანიშნავია, რომ მიმდინარე ზაფხულში კლუბებმა არაერთი ტრანსფერი განახორციელეს და დღევანდელ მატჩს განახლებული შემადგენლობით შეხვდებიან.