უკანასკნელად როდის ვერ გავიდა ტოტენჰემი ევროტურნირებზე?

„ტოტენჰემი“ ევროტურნირებზე 14 წლის შემდეგ პირველად ვერ გავიდა.

პრემიერ ლიგის დასკვნით ტურში ლონდონურმა კლუბმა „ლიდსი“ 4:1 დაამარცხა და ჩემპიონშიფში გაუშვა, თუმცა ეს შედეგი გუნდისთვის მე-8 ადგილზე მაღლა ასასვლელად საკმარისი ვერ აღმოჩნდა.

საბოლოოდ, „ტოტენჰემი“ ერთი ქულით ჩამორცა მეშვიდეადგილოსან „ასტონ ვილას“, რომელმაც კონფერენც ლიგის საგზური მოიპოვა.

მერვე პოზიცია ცხრილში - „ტოტენჰემისთვის“ ყველაზე სუსტი შედეგია ჩემპიონატში 2008/09-სეზონის შემდეგ, როცა გუნდმა ანალოგიურად მერვე ადგილი დაიკავა.