უხვგოლიანი ფრე ნიდერლანდებსა და გერმანიას შორის

ანგარიში მატჩის სტარტზევე გაიხსნა - მე-2 წუთზე "ნარინჯისფერები" ტიჯანი რაინდერსმა დააწინაურა. 

მიუხედავად ამისა, იულიან ნაგელსმანის გუნდმა პირველი ტაიმი მაინც არ წააგო და მეტიც, წინ გავიდა. 38-ე წუთზე დენიზ უნდავმა წონასწორობა აღადგინა, კომპენსირებულ დროში კი იოზუა კიმიხმა ანგარიში გერმანელთა სასარგებლოდ 2-1 გახადა. 

მეორე ტაიმში კიდევ ერთი გოლი გავიდა: 50-ე წუთზე დენზელ დუმფრისმა შეაგდო და რონალდ კუმანის გუნდს ქულა გადაურჩინა. 

გერმანიასა და ნიდერლანდებს 4-4 ქულა აქვთ, მაგრამ, ბურთების უკეთესი შეფარდებით, ჯგუფში "მანშაფტი" ლიდერობს. 

ჯგუფის მეორე შეხვედრა, რომელიც უნგრეთსა და ბოსნია & ჰერცოგოვინას შორის გაიმართა, 0-0 დასრულდა. ორივე გუნდს 1 ქულა აქვს, მაგრამ, ბურთების შეფარდების გათვალისწინებით, მე-3 ადგილზე ბოსნია & ჰერცოგოვინა იმყოფება.