უხვგოლიანი მატჩი და ლევანდოვსკის ჰეთ-თრიკი ლა ლიგაში — ბარსელონამ სელტა დაამარცხა

ესპანეთის ლა ლიგის მე-12 ტურში ბარსელონა ესტუმრა ვიგოს სელტას, რომელიც ანგარიშით 4:2 დაამარცხა. სტუმრების მხრიდან ჰეთ-თრიქი გაიფორმა რობერტ ლევანდოვსკიმ, რომელმაც 28 სექტემბრის შემდეგ, კატალონიელთა რიგებში პირველად შეაგდო. პრიმერა დივიზიონის მოქმედი ჩემპიონების მხრიდან ერთი ბურთი ლამინ იამალმაც გაიტანა.

"ბლაუგრანა" აგროვებს 28 ქულას, გადადის მეორე ადგილზე და ლიდერ მადრიდის რეალთან სხვაობას სამ ქულამდე ამცირებს. "კელტებისა" და კამპ ნოუს ბინადრების შეხვედრამდე, "სამეფო კლუბმა" ქულები რაიოსთან დაკარგა.

სელტა 2:4 ბარსელონა

გოლები: 0:1, 1:2, 2:4 ლევანდოვსკი (10', 37', 73'), 1:1 კარეირა, (11'), 2:2 იგლესიასი (43'), 2:3 იამალი 45'