უხვგოლიანი მატჩი თბილისში — საქართველოს ნაკრები თურქეთთან დამარცხდა

შეხვედრის ანგარიში სტუმრებმა დებიუტშივე გახსნეს — მე-3 წუთზე თავი მულდურმა გამოიჩინა, რასაც 41-ე წუთზე აქტურკოღლუს გოლი მოჰყვა და თურქეთმა პირველი ნახევარი დამაჯერებლად მოიგო.

მეორე ტაიმის სტარტზე, 52-ე წუთზე აქტურკოღლუმ დუბლი გაიფორმა და სხვაობა სამამდე გაზარდა. 63-ე წუთზე, ზურიკო დავითაშვილმა ერთი ბურთ გაქვითა, 98-ე წუთზე კი ხვიჩა კვარაცხელიამ აიღო მეტოქის კარი და საბოლოო ანგარიში, 2-3 დააფიქსირა.

მსოფლიო ჩემპიონატის შესარჩევი ეტაპის მეორე მატჩს საქართველოს ნაკრები კვლავ თბილისში, ბულგარეთის წინააღმდეგ გამართავს. აღნიშნული შეხვედრა 7 სექტემბერს, თბილისის დროით 17 საათზე დაიწყება.