უკრაინა, ესპანეთი, პორტუგალია და მაროკო 2030 წლის მსოფლიო ჩემპიონატის მასპინძლობაზე ერთობლივ განაცხადს გააკეთებენ

2030 წელს მსოფლიო ჩემპიონატის მასპინძლობის ერთობლივ წინადადებას უკრაინა, ესპანეთი, პორტუგალია და მაროკო წარადგენენ. ამის შესახებ გამოცემა L'Equipe იტყობინება.

თუ ეს წინადადება გაიმარჯვებს, მაშინ ისტორიაში პირველად, ერთი და იგივე მსოფლიო ჩემპიონატის მატჩები ორ კონტინენტზე გაიმართება.

2030 წლის მსოფლიო ჩემპიონატის მასპინძელის ვინაობა 2024 წლის შემოდგომაზე უნდა გაირკვეს.

მომდევნო მსოფლიო ჩემპიონატს 2026 წელს უმასპინძლებს ერთდროულად სამი ქვეყანა - აშშ, კანადა და მექსიკა. ეს იქნება პირველი მსოფლიო ჩემპიონატი 48 მონაწილით.