უკრაინა საქართველოსთან მატჩს უდიდესი დანაკლისით ხვდება

საქართველოს ნაკრები ერთა ლიგის მე-3 ტურში, პოზნანში უკარინის ნაკრებს დაუპირისპირდება.

აღსანიშნავია, რომ უკრაინა ჩვენს გუნდთან მატჩს დიდი დანაკლისით ხვდება: განაცხადში ტრავმის გამო ოლექსანდრ ზინჩენკო და რუსლან მალინოვსკი ვერ მოხვდნენ, ცოტა ხნის შემდეგ კი სიტუაცია კიდევ უფრო დამძიმდა - ვიტალი მიკოლენკო და ვიქტორ ციგანკოვიც დაშავდნენ. მათ ნაცვლად სერგეი რებროვმა ოლქსანდრ სვარტოკი და ანდრეი იარმოლენკო გამოიძახა, მოგვიანებით კი ამ უკანასკნელმაც ტრავმა მიიღო.

იარმოლენკოს გარდა, ანდრეი ლუნინიც ტრავმირებულია, რის გამოც რებროვმა ოლექსანდრ ნაზარენკოს და დმიტრო რიზნიკს უხმო. ასევე დაზიანდნენ ვოლოდიმირ ბრაჟკო და ოლექსანდრ პიხაილიონოკი, მათ ნაცვლლად კი უკრაინის ნაკრებს ვიტალი ბუიალსკი და ივან კალუჟნი შეუერთდნენ.

ამასთან, საქართველოს წინააღმდეგ უკრაინელთა კაპიტნის, ტარას სტეპანენკოს თამაშიც საეჭვოა, მაგრამ ის გუნდთან ერთად ვარჯიშობს.

უკრაინა და საქართველო ერთმანეთს 11 ოქტომბერს, 22:45 საათზე დაუპირისპირდებიან.