ურუგვაი 🆚 ბრაზილია: სამხრეთ ამერიკული კლასიკო სასწორზე კოპა ამერიკის ნახევარფინალით

ხვალ, გამთენიისას, თბილისის დროით 05:00 საათზე, კოპა ამერიკის მეოთხედფინალში ერთმანეთს ურუგვაი და ბრაზილია დაუპირისპირდებიან.

ამ ორმა გუნდმა 1916 წელს კოპა ამერიკის პირველ გათამაშებაში მონაწილეობა მიიღო და ისინი ტურნირის ისტორიაში სამ ყველაზე წარმატებულ ნაკრებს შორის არიან.

ურუგვაიმ (რომელიც, არგენტინასთან ერთად, 15 ტიტულით რეკორდსმენია) D ჯგუფში პირველი ადგილი დაიკავა: მარსელო ბიელსას შეგირდებმა სამივე მატჩი მოიგეს, 9 გოლი გაიტანეს (რაც ყველაზე მეტია) და მხოლოდ 1 ბურთი გაუშვეს. დარვინ ნუნიესისა და მაქსიმილიანო არაუხოს ანგარიშზე 2-2 გოლია.

ბრაზილიისთვის (რომელსაც 9 ტიტული აქვს და მხოლოდ ურუგვაისა და არგენტინას ჩამორჩება) ჯგუფური ეტაპი უფრო გართულებული იყო: მათ პირველ ტურში კოსტა რიკასთან მატჩი უგოლოდ დაასრულეს, მეორე შეხვედრაში პარაგვაი დაამარცხეს და ბოლოს კოლუმბიასთან კვლავ ფრედ ითამაშეს. ვინისიუს ჟუნიორი, რომელიც 2 გოლით ტურნირზე გუნდის საუკეთესო ბომბარდირია, დისკვალიფიკაციის გამო ურუგვაისთან მატჩს გამოტოვებს. მისი შემცვლელი, შესაძლოა, ენდრიკი იყოს.

ურუგვაი და ბრაზილია კოპა ამერიკაზე ერთმანეთს 26-ჯერ შეხვდნენ: ორივე გუნდმა 9-9 მატჩი მოიგო, 8 კი ფრედ დასრულდა.

ურუგვაის სავარაუდო XI: როშე; ნანდესი, რ. არაუხო, ოლივერა, ვინია; უგარტე, ვალვერდე; პელისტრი, დე ლა კრუსი, მ. არაუხო; ნუნიესი.

მწვრთნელი: მარსელო ბიელსა