ვალენსიამ რეალ მადრიდს მოუგო — უპირატესობის 6 ქულით გაზრდის შანსი ბარსელონას

თარიღი: 05 Apr 2025, 20:45

ლა ლიგის 30-ე ტურში, გიორგი მამარდაშვილის ვალენსია სანტიაგო ბერნაბეუზე რეალ მადრიდს ესტუმრა და 2-1 დაამარცხა.

აღსანიშნავია, რომ ქართველმა მეკარემ ვინისიუს ჟუნიორს პენალტი აუღო. მამარდამ ჯამში 8 სეივი განახორციელა და Sofascore-ისგან 8.5-ქულიანი შეფასება მიიღო, რაც მოედანზე მყოფ ყველა ფეხბურთელზე მაღალი მაჩვენებელია.

მატჩი ძალიან დრამატული გამოდგა. მამარდაშვილმა პენალტი მე-13 წუთზე მოიგერია, 2 წუთში კი მუქტარ დიაკაბიმ ვალენსია დააწინაურა. 50-ე წუთზე ვინისიუსმა წონასწორობა აღადგინა, მაგრამ კომპენსირებულ დროში, 95-ე წუთზე უგო დურომ “ღამურებს” მოაგებინა.

რეალ მადრიდი 1-2 ვალენსია

⚽️ 0-1 | დიაკაბი 15’ (ვალენსია)

⚽️ 1-1 | ვინისიუსი 50' (რეალ მადრიდი)

⚽️ 1-2 | დურო 90+5' (ვალენსია)

შესაბამისად, კარლო ანჩელოტის გუნდი უქულოდ დარჩა და ბარსელონას შანსი აქვს, უახლოეს მდევარს დღესვე 6 ქულით გაასწროს.

ბარსელონა დღეს ბეტისს დაუპირისპირდება. შეხვედრა სტარტს 23:00 საათზე აიღებს.