ვალვერდეს ცოლი: "მის თავს მეც დავთმობ, თუ რივერი ლიბერტადორესის თასს კიდევ ერთხელ მოიგებს"

"რეალის" ნახევარმცველის, ფედერიკო ვალვერდეს მეუღლე ჩემპიონთა ლიგის ფინალის შესახებ ქმრის მიერ გაკეთებულ განცხადებას იუმორით გამოეხმაურა.

მოგეხსენებათ, აქამდე, ურუგვაელმა ფეხბურთელმა თქვა: "ჩემპიონთა ლიგის ტიტულის სანაცვლოდ შვილის გარდა ყველაფერს დავთმობდი, ცოლსაც კი...".

"მას არ ვადანაშაულებ. მის თავს მეც დავთმობ, თუ "რივერი" ლიბერტადორესის თასს კიდევ ერთხელ მოიგებს".

"მე-14 ჩემპიონთა ლიგის სანაცვლოდ მეგობრებიც უნდა გაიღო და ყველა დანარჩენიც", - წერს ჟურნალისტი, მინა ბონინიო, რომელიც "რივერ პლეიტის" გულშემატკივარია და ამ კლუბის გარშემო არსებულ მოვლენებს აშუქებს.

მოგეხსენებათ, "რივერს" ლიბერტადორესის თასი 4-ჯერ აქვს მოგებული - 1986, 1996, 2015 და 2018 წლებში.

ხვალ, 28 მაისს, "რეალი" ჩემპიონთა ლიგის ფინალში "ლივერპულს" დაუპირისპირდება. მატჩი სტარტს თბილისის დროით 23:00 საათზე აიღებს.

ვალვერდე: "ჩემპიონთა ლიგის ტიტულის სანაცვლოდ შვილის გარდა ყველაფერს დავთმობდი, ცოლსაც კი..."