ვატარუ ენდო: ლივერპულმა მო სალაჰის შემცვლელის ძებნა უკვე დაიწყო
![ვატარუ ენდო: ლივერპულმა მო სალაჰის შემცვლელის ძებნა უკვე დაიწყო](http://storage.goal.ge/uploads/posts/e4JdA5PrV9m5RsKz0iNcmrMLscBCwjzx.jpg)
ლივერპულის იაპონელმა ნახევარმცველმა, ვატარუ ენდომ განაცხადა, რომ მერსისაიდულმა კლუბმა მოჰამედ სალაჰის შემცვლელის ძიება უკვე დაიწყო.
"მო სალაჰის შემცვლელის ძებნა დაწყებულია. ლივერპულმა ეს პოზიცია უნდა გააძლიეროს. ვფიქრობ, ეგვიპტელის ჩანაცვლება ტაკეფუსა კუბოს შეუძლია - მე სწორედ ამ ვარიანტს ავირჩევდი," - თქვა ენდომ.
კუბო გასულ 2 სეზონში რეალ სოსიედადისთვის ძალიან მნიშვნელოვანი ფეხბურთელი იყო. 23 წლის შემტევს ლა ლიგაში უკვე 159 მატჩი აქვს ჩატარებული. სალაჰის მსგავსად, ისიც ცაციაა და მარჯვენა ფლანგზე თამაშობს.
მიმდინარე ზაფხულში ტაკე ლივერპულს დაუკავშირეს, თუმცა, ბოლოდროინდელი ცნობებით, ეს ინფორმაცია მცდარია.