ავტორიზაცია
ვენსან კომპანი: არანაირი მიზეზები, დავმარცხდით, ბარსელონას ამ მოგებას ვულოცავ
ბაიერნის მთავარმა მწვრთნელმა, ვენსან კომპანიმ, ბარსელონასთან წაგების (1-4) შემდეგ, მედიასთან ისაუბრა:
"არანაირი მიზეზები - დღეს უბრალოდ წავაგეთ. ამ მარცხისგან ვისწავლით და კვირას, ბოხუმის წინააღმდეგ უკეთესად მომზადებულნი ვიქნებით.
პირველი გოლი ძალიან მტკივნეული იყო. პირველი 30 წუთის განმავლობაში ვფიქრობდი, რომ მოგება შეგვეძლო, მაგრამ შემდეგ მე-2 და მე-3 გოლები გაგვიტანეს. დღეს ორივე გუნდმა შემტევი ფეხბურთი ითამაშა.
ბევრი ფეხბურთელი შევცვალე, რადგან ახალი მოთამაშეები გვჭირდებოდა. როცა აგებ, 4 ცვლილების გაკეთება უჩვეულო არაა. იმ მომენტში სხვაობა ძალიან დიდი იყო და ახალი ენერგია უნდა მიგვეღო. თამაშში დინამიკურობის შეტანა მსურდა.
არ ვიცი, ეს ბარსა მესის ბარსელონას უნდა შევადაროთ თუ არა, მაგრამ კატალონიელებს დიდებული ფეხბურთელები ჰყავთ და ნორმალურია, როცა მათ წინააღმდეგ თამაში გიჭირს.
ბარსელონა ევროპაში ერთ-ერთი საუკეთესო კლუბია. სწორედ ასეთ გუნდებთან მატჩებში გვსურს, საკუთარი ძალა ვაჩვენოთ. ბარსას დღევანდელ გამარჯვებას ვულოცავ," - განაცხადა ბელგიელმა.
