ვესტ ჰემი ნ'გოლო კანტეს ტრანსფერზე მუშაობს

The Guardian-ის ინფორმაციით, ვესტ ჰემი ნ'გოლო კანტეს ტრანსფერის თაობაზე ალ იტიჰადთან მოლაპარაკებებს აწარმოებს - მხარეები ოპტიმისტურად არიან განწყობილნი.

33 წლის ფეხბურთელი ევროპის ჩემპიონატზე ბრწყინვალე იყო და აჩვენა, რომ საუდი პრო ლიგაში გადასვლის მიუხედავად, ფორმა არ დაუკარგავს. ერთ-ერთი მატჩის შემდეგ მან მინიშნება გააკეთა, რომ ევროპაში დაბრუნების სურვილი აქვს.

კანტე 2016-2023 წლებში ჩელსიში ასპარეზობდა, რა დროის განმავლობაშიც 269 მატჩი ჩაატარა და 6 ტიტული მოიგო. მომავალი სეზონიდან, შესაძლოა, ფრანგმა კვლავ ლონდონში ითამაშოს, ოღონდ სხვა კლუბის რიგებში.