ავტორიზაცია
ვიდალი, რომელსაც სხვა კლუბისგან შეთავაზება უკვე მიუვიდა, ინტერთან კონტრაქტის გაწყვეტაზე მუშაობს
"ინტერის" ნახევარმცველმა, არტურო ვიდალმა 2021/22 წლების სეზონის დასრულების შემდეგ შესაძლოა სამუშაო ადგილი შეიცვალოს.
აღნიშნულ ინფორმაციას ცნობილი იტალიელი ჟურნალისტი, ნიკოლო სკირა ავრცელებს.
ასე და ამგვარად, 35 წლის ჩილელი მილანურ გრანდთან 2023 წლის 30 ივნისამდე გათვლილი კონტრაქტის გაწყვეტაზე აწარმოებს მოლაპარაკებებს.
როგორც იწერება, ვიდალს ერთი წინადადება უკვე უდევს მაგიდაზე - "ფლამენგო" მას ორწლიან ხელშეკრულებას სთავაზობს.
ამ სეზონში არტურომ ყველა ტურნირზე ერთად "ინტერის" მაისურით 40 მატჩი ჩაატარა, 2 გოლი გაიტანა და 4 შედეგიანი გადაცემა გააკეთა.
