VIDEO: ბარსელონა 2-1 ბილბაო | კატალონიელთა მორიგი 3 ქულა ლა ლიგაში

თარიღი: 24 Aug 2024, 23:25

ბარსელონამ ლა ლიგის მე-2 ტურში ბილბაო 2-1 დაამარცხა.

ბარსა შორეული დარტყმით ლამინ იამალმა დააწინაურა (24'), თუმცა, პირველი ტაიმის მიწურულს, ოიან სანსეტმა (42') პენალტით ანგარიში გაათანაბრა.

მიუხედავად ამისა, ბარსელონამ მაინც მოიგო - 75-ე წუთზე პედრის მიერ გაკეთებულ გამჭოლ პასს სტუმართა მეკარე ალექს პადილიამ ტრაექტორია შეუცვალა, ბურთი კი რობერტ ლევანდოვსკის მიუვიდა, რომელმაც ძლიერი დარტყმით თავის გუნდს მოაგებინა.

"ბლაუგრანას" 2 ტურის შემდეგ 6 ქულა აქვს. მეორე გუნდი, რომელსაც ასევე 2 მატჩი მოიგო, სელტაა, რომელიც, ბურთების უკეთესი სხვაობის გამო, ამჟამად პირველ ადგილზე იმყოფება.

ბარსელონა მომდევნო ტურში რაიო ვალიეკანოს დაუპირისპირდება (27 აგვისტო, 23:30), ბილბაო კი - ვალენსიას (28 აგვისტო, 21:00).