ავტორიზაცია
VIDEO: ჩელსი 1/4 ფინალში მარტივად გავიდა — მოქმედმა ჩემპიონმა ლილს საპასუხო მატჩიც მოუგო
ჩემპიონთა ლიგის საპასუხო 1/8 ფინალური მატჩის ეგიდით, "ლილმა" შინაურ კედლებში "ჩელსის" უმასპინძლა.
აღნიშნული დაპირისპირება "არისტოკრატთა" გამარჯვებით დასრულდა და ევროპის მთავარი საკლუბო ტურნირის მეოთხედფინალში ლონდონური კლუბი ითამაშებს - 1:2.
შეხვედრაში ანგარიში 38-ე წუთზე ფრანგული გუნდის თავდამსხმელმა, ბურაკ ილმაზმა გახსნა, რომელმაც პენალტი ზუსტად შეასრულა.
ტომას ტუხელის შეგირდებმა წონასწორობის აღდგენა პირველივე ნახევარში მოახერხეს - მსაჯის მიერ კომპენსირებულ მესამე წუთზე თავი კრისტიან პულიშიჩმა გამოიჩინა.
საბოლოო შედეგი "ჩელსის" კაპიტანმა, სესარ ასპილიკუეტამ დააფიქსირა. ესპანელმა მცველმა მეტოქის კარი 71-ე წუთზე აიღო.
ორი მატჩის ჯამში "არისტოკრატებმა" 4:1 იმარჯვეს, ლონდონში "ჩელსიმ" 2:0 მოიგო.
