ავტორიზაცია
VIDEO: დაუმარცხებელი ბრაზილია! სელესაომ კოლუმბიასაც მოუგო და მუნდიალის საგზური გაინაღდა
2022 წლის მსოფლიო ჩემპიონატის შესარჩევი ეტაპის ეგიდით, ბრაზილიის ნაკრებმა კოლუმბიას უმასპინძლა.
აღნიშნული დაპირისპირება "სელესაოს" მინიმალური გამარჯვებით დასრულდა - 1:0.
შეხვედრაში ერთადერთი გოლი მეორე ტაიმში გავიდა - კოლუმბიელთა კარი 72-ე წუთზე ნეიმარის გადაცემით ლუკას პაკეტამ აიღო.
ამ გამარჯვების შემდეგ, ბრაზილიას 34 ქულა (11 მოგება, 1 ფრე) დაუგროვდა და ჯგუფს დაუმარცხებლად ლიდერობს. ტიტეს შეგირდებმა მუნდიალის საგზური უკვე გაინაღდეს.
რაც შეეხება კოლუმბიას, რეინალდო რუედას გაწვრთნილმა გუნდმა ზედიზედ მეოთხე მატჩი ვერ მოიგო, ჯგუფში მე-5 ადგილს იკავებს და მსოფლიო ჩემპიონატის საგზურისთვის ბრძოლას აგრძელებს.
მომდევნო ტურში ბრაზილია არგენტინას ესტუმრება, ხოლო კოლუმბია პარაგვაის უმასპინძლებს, ორივე შეხვედრა 17 ნოემბერს გაიმართება.
