ავტორიზაცია
[VIDEO] დღე, როცა მსოფლიომ მანუელ ნოიერი შენიშნა
2011 წელს, ჩემპიონთა ლიგის ნახევარფინალში ერთმანეთს შალკე 04 და მანჩესტერ იუნაიტედი დაუპირისპირდნენ. ინგლისურმა გრანდმა გერმანულ გუნდს ორი მატჩის ჯამში 6-1 მოუგო.
მიუხედავად ასეთი მარცხებისა, ამ ორ დაპირისპირებაში შესანიშნავი იყო მანუელ ნოიერი, რომელიც მაშინ ჯერ კიდევ შალკეში ასპარეზობდა. გერმანელმა მეკარემ პირველ შეხვედრაში დაუჯერებელი პერფორმანსი აჩვენა.
ჩემპიონთა ლიგის ოფიციალურმა გვერდმა აღნიშნული მატჩიდან ნოიერის სეივების ვიდეო გამოაქვეყნა და გერმანელი ლეგენდის თამაში ასე შეაფასა: "დღე, როდესაც მსოფლიომ მანუელ ნოიერი შენიშნა... მეკარის ყველა დროის საუკეთესო პერფორმანსი?"
პირველ მატჩში შალკე 0-2 დამარცხდა - მანუელ ნოიერს რაიან გიგზმა და უეინ რუნიმ გაუტანეს, განმეორებით მატჩში კი, რომელიც მანჩესტერ იუნაიტედმა 4-1 მოიგო, გერმანელთა კარი ანტონიო ვალენსიამ, დარონ გიბსონმა და ანდერსონმა (2) აიღეს.
