ავტორიზაცია
VIDEO: გამარჯვება მწარე გემოთი - რეალმა სელტიკი გაანადგურა, მაგრამ ბენზემას გარეშე დარჩა
ჩემპიონთა ლიგის ჯგუფური ეტაპის პირველ მატჩში მადრიდის „რეალმა“ სტუმრად შოტლანდიური „სელტიკი“ გაანადგურა.
შეხვედრა „სელტიკ პარკზე“ გლაზგოში გაიმართა და სტუმართა გამარჯვებით 3:0 დასრულდა.
პირველი ტაიმი ფრედ 0:0 და „რეალისთვის“ ცუდად დასრულდა, რადგან ტრავმა 30-ე წუთზე კარიმ ბენზემამ მიიღო და მოედანზე მის ნაცვლად ედენ აზარი გამოვიდა.
მეორე ნახევარში ანჩელოტის გუნდმა დაწინაურება 56-ე წუთზე ვინისიუს ჯუნიორის გოლით გახსნა, 60-ზე ლუკა მოდრიჩმა სხვაობა ორამდე გაზარდა, 77-ზე კი მატჩში წერტილი ედენ აზარმა დასვა, რომელმაც გოლის გარდა მეორე გოლზე მოდრიჩსაც გაატანინა.
ამრიგად, „რეალმა“ დამაჯერებელი სამი ქულა მოიპოვა, რომელიც ბენზემას ტრავმით ოდნავ ჩაეშხამა.
