ავტორიზაცია
VIDEO: "ის გოლი არ გვიპატიებია" — ხორვატი ჟურნალისტი მბაპეს
20 მარტს, ერთა ლიგის 1/4-ფინალის პირველ მატჩში, ხორვატიამ საფრანგეთს უმასპინძლა.
ამ შეხვედრამდე, კილიან მბაპესა და ხორვატ ჟურნალისტს შორის სახალისო დიალოგი გაიმართა და მხარეებმა ერთმანეთის მიმართ პატივისცემაც გამოხატეს:
ჟურნალისტი: "აქ, ხორვატიაში, ის გოლი, რომელიც რუსეთში ჩატარებული მსოფლიო ჩემპიონატის ფინალში გაგვიტანე, ჯერ კიდევ არ გვიპატიებია (იცინის). მაშინ ჩვენ იმედები მოკალი. ვფიქრობ, ეს გოლი შენი ერთ-ერთი ფავორიტია, არა?"
მბაპე: (იცინის) "არა, არა, არა! ხორვატ ხალხსა და ხორვატიას პატივს ვცემ. ყოველთვის, როცა აქ ჩამოვდივარ, ხალხი კარგად მექცევა, მათთან პრობლემა არასდროს მქონია. მაგრამ, ეს ფეხბურთია და ყველამ ვიცით, რა როგორ ხდება - საკუთარ გუნდსა და ქვეყანას უნდა დავეხმარო, ისინიც იმავეს აკეთებენ ხორვატიისთვის. ხვალ შესანიშნავი მატჩი იქნება, მათ წინააღმდეგ კვლავ თამაშს მოულოდნელად ველი."
პირველ დაპირისპირებაში ხორვატიამ 2-0 მოიგო, განმეორებითი მატჩი კი 23 მარტს, პარიზში გაიმართება. შეხვედრა სტარტს 23:45 საათზე აიღებს.
