ავტორიზაცია
VIDEO: კუმანი წავიდა, სირთულეები დარჩა - ბარსელონამ კამპ ნოუზე ვერც ალავესს მოუგო
ლა ლიგის მე-12 ტურის მატჩში „ბარსელონამ“ საკუთარ კედლებში „ალავესს“ ვერ მოუგო.
მატჩი სტადიონ „კამპ ნოუზე“ გაიმართა და ფრედ, 1:1 დასრულდა.
პირველმა ტაიმმა უგოლოდ ჩაიარა, მეორე კი „ბარსასთვის“ ძალიან იმედისმომცემად დაიწყო, როცა დეპაიმ საჯარიმოს გარედან ულამაზესი დარტყმით მოახერხა ანგარიშის გასხნა.
თუმცა, „ბარსას“ სიხარულმა დიდხანს ვერ გასტანა - „ალავესმა“ რიოხას გოლით წონასწორობის აღდგენა 3 წუთშივე მოახერხა.
მატჩის ბოლომდე, ანგარიში აღარ შეცვლილა და „ბარსელონამ“ ლა ლიგაში ზედიზედ მესამე მატჩი ვერ მოიგო - „რეალთან“ და „რაიოსთან“ მარცხს ახლა „ალავესთან“ ფრე დაემატა.
11 ჩატარებული მატჩის შემდეგ კატალონიელები 16 ქულით სატურნირო ცხრილში მე-9 ადგილს იკავებენ და ლიდერ მადრიდის „რეალს“ 8 ქულით ჩამორჩებიან, „ალავესი“ კი 10 ქულით მე-16 პოზიციაზეა.
