VIDEO: ლიდერიც ამას ჰქვია — რა უთხრა სალაჰმა ეგვიპტელ ფეხბურთელებს აფრიკის თასის ფინალში მარცხის შემდეგ?

სოციალურ ქსელში გავრცელდა ვიდეო, სადაც ჩანს, თუ რას ამბობს ეგვიპტის ნაკრების კაპიტანი, მოჰამედ სალაჰი აფრიკის თასის ფინალში სენეგალთან (0:0, 2:4 პენალტების სერიაში) მარცხის შემდეგ.

"ლივერპულის" 29 წლის თავდამსხმელი აღნიშნულ ვიდეოში თანამემამულეებს მიმართავს.

"12 დღეში ოთხი 120-წუთიანი მატჩი ჩავატარეთ. ახლა ეს წარსულს ჩაბარდა, მომავალ თვეში მათ კვლავ შევხვდებით და რევანშს ავიღებთ, ინშალაჰ (ღმერთის ნებით)", - თქვა სალაჰმა.

მოგეხსენებათ, ეგვიპტე და სენეგალი ერთმანეთს მარტში 2022 წლის მსოფლიო ჩემპიონატის საკვალიფიკაციო ეტაპის ეგიდით დაუპირისპირდებიან.

იხილეთ ვიდეო:

მანე: "რა ვუთხარი სალაჰს აფრიკის თასის ფინალის შემდეგ?"