[VIDEO] მარცხი სავსე ტრიბუნების წინაშე - დინამო თბილისი სამგურალთან დამარცხდა

ეროვნული ლიგის მე-10 ტურის მატჩში სამგურალმა საკუთარ მოედანზე ქვეყნის ჩემპიონი დინამო თბილისი დაამარცხა.

ანგარიში პირველი ტაიმის მიწურულს, 43-ე წუთზე სერგო კუხიანიძემ ლუქმან გილმორის გადაცემის შემდეგ ეფექტური თამაშის შემდეგ გახსნა.

მეორე ტაიმში კი საბოლოო ანგარიში მსაჯის მიერ კომპენსირებულ დროში გიორგი ბუხაიძემ დააფიქსირა, თუმცა ამ მომენტში კურიოზული ფაქტი მოხდა - გოლის აღნიშვნისას მაისურის გახდის გამო ფეხბურთელმა მეორე ყვითელი ბარათი მიიღო და გააძევეს.

გაძევება გოლის აღნიშვნისთვის - კურიოზული მომენტი ეროვნულ ლიგაში

მე-10 ტურის შემდეგ სამგურალს ამ მოგებამ 12 ქულა დააგროვებინა და მე-7 პოზიციაზეა, ხოლო დინამო თბილისი ჩემპიონატს კვლავ ერთპიროვნულად ლიდერობს 22 ქულით.

აღსანიშნავია, რომ სამგურალი ახალი მწვრთნელის, სოსო ფრუიძის ხელში კარგად ათამაშა. 2 მატჩი და 2 მოგება - ტორპედოს შემდეგ წყალტუბოელებმა დინამოც დაამარცხეს.

"გულშემატკივარი ამ ყველაფერს ვერ გაიგებდა" - რა შეიცვალა გიორბელიძისთვის უკანასკნელ თვეებში