VIDEO: "მოვალთ და პანღურს ამოგარტყამთ"- არტურო ვიდალი რეალს ემუქრება

"ფლამენგოს" ნახევარმცველმა არტურო ვიდალმა, რომელმაც ცოტა ხნის წინ გუნდთან ერთად ლიბერტადორესის თასი მოიგო, სიმღერა მადრიდის "რეალს" მიუძღვნა. ესპანური კლუბი შესაძლოა გახდეს მათი კონკურენტი მსოფლიო საკლუბო ჩემპიონატზე.

შეგახსენებთ, რომ ვიდალი 2018-2020 წლებში მადრიდის "რეალის" მთავარ მეტოქეში "ბარსელონაში" თამაშობდა. მოგვიანებით ის "ინტერში" გადავიდა და "ფლამენგოში" 2022 წლის ზაფხულიდან თამაშობს.

შეგახსენებთ, რომ მსოფლიო საკლუბო ჩემპიონატი 2023 წლის თებერვალში გაიმართება.  მადრიდის "რეალმა" ოთხჯერ მოიგო თასი, "ფლამენგო" 2019 წლის ფინალში "ლივერპულთან" დამარცხდა (0:1).